RF-də 650 birgə Rusiya-Azərbaycan şirkəti fəaliyyət göstərir
28 sentyabr 2017 20:40 (UTC +04:00)

RF-də 650 birgə Rusiya-Azərbaycan şirkəti fəaliyyət göstərir

Rusiyanın Stavropol şəhərində VIII Rusiya-Azərbaycan Regionlarası Forumu çərçivəsində plenar iclas keçirilib. APA-nın Stavropola ezam olunmuş xüsusi müxbirinin verdiyi məlumata görə, plenar iclasda Rusiyanın iqtisadi inkişaf naziri Maksim Oreşkin, Azərbaycanın iqtisadiyyat naziri Şahin Mustafayev, Stavropol diyarının qubernatoru Vladimir Vladimirov, Azərbaycanın Rusiyadakı səfiri Polad Bülbüloğlu və hər iki ölkənin dövlət rəsmiləri və biznes dairələrinin nümayəndələri iştirak ediblər.

 

Forum Azərbaycan və Rusiya prezidentlərinin iştirakçılara təbrik məktublarının oxunmaları ilə başlayıb.

 

Azərbaycanın iqtisadiyyat naziri Şahin Mustafayev çıxışında Stavropol diyarının qubernatoru Vladimir Vladimirova səmimi qəbula görə təşəkkürünü bildirib. Azərbaycanlı nazir Regionlararası forumun keçirilməsi təşəbbüsünün Azərbaycan və Rusiya prezidentlərinə məxsus olduğunu vurğulayıb.

 

"İndiyədək iki ölkə arasında iqtisadiyyat sahəsində 200-dən çox müqavilə bağlanıb. Azərbaycanın birinci ticarət nümayəndəliyi məhz Rusiyada açılıb. Bu gün Azərbaycanda 70 Rusiya şirkəti fəaliyyət göstərir. Onlar Azərbaycana 3 mlrd dollar sərmayə yatırıblar. Öz növbəsində Azərbaycanın Dövlət Neft Fondunun Moskvada daşınmaz əmlak sahibidir. Bizim VTB bankı ilə çox fəal münasibətlərimiz var. Azərbaycan şirkətləri isə Rusiya iqtisadiyyatına 1 mlrd. dollar sərmayə yatırıblar",-deyə Şahin Mustafayev qeyd edib.

 

Rusiya iqtisadi inkişaf naziri Maksim Oreşkin isə çıxışında iki ölkə arasındakı iqtisadi münasibətlərin səviyyəsindən danışıb: "Bu gün Rusiyanın 8 regionu Azərbaycanla fəal əməkdaşlıq edir. Rusiya Federasiyasında 650 birgə Rusiya-Azərbaycan şirkəti fəaliyyət göstərir. Azərbaycanın Dövlət Neft Fondu VTB bankının səhmdarıdır. Biz Azərbaycanla əczaçılıq və turizm sahəsində əməkdaşlığı inkişaf etdiririk, Xəzərdə birgə dəniz səyahəti layihəsi hazırlayırıq. Birgə layihələrimizə 500 milyon dollar sərmayə yatırılıb. Birgə layihələr həmçinin üçüncü ölkələrdə də həyata keçirilir. Rusiya və Azərbaycan arasındakı münasibətlər, strateji tərəfdaşlıq münasibətləridir və bu münasibətlər davam edəcək".

 

Daha sonra çıxış edən Azərbaycanın Rusiyadakı səfiri Polad Bülbüloğlu, Rusiya İxrac Mərkəzinin baş direktoru, Rusiya-Azərbaycan İşgüzar Şurasının sədri Mixail Fradkov, Qəbələ rayonunun icra başçısı Səbuhi Abdullayev, Bakının Nərimanov rayonunun icra başçısı Abdin Fərzəliyev və digərləri iki ölkə arasında iqtisadiyyat, sənaye, turizm və humanitar sahələrdəki əlaqələrin səviyyəsindən danışıblar.

 

Plenar iclasın sonunda Azərbaycan və Rusiya arasında sənədlər imzalanıb.  

# 111
avatar

Oxşar yazılar

Həbsxanadan kütləvi qaçış: 10 ÖLÜ

Həbsxanadan kütləvi qaçış: 10 ÖLÜ

4 mart 2024 , 04:33
Fevral 63 ilin ən isti ayı oldu - REKORD

Fevral 63 ilin ən isti ayı oldu - REKORD

3 mart 2024 , 07:26
Gənc oğlan 9-cu mərtəbədən yıxılqaraq öldü

Gənc oğlan 9-cu mərtəbədən yıxılqaraq öldü

3 mart 2024 , 06:55
36 yaşlı kişi 12 yaşlı qızını zorladı

36 yaşlı kişi 12 yaşlı qızını zorladı

3 mart 2024 , 01:45
Məhəllədə qaz xətti partladı

Məhəllədə qaz xətti partladı

2 mart 2024 , 22:59
Oğrulardan bezərək avtomobilini zəncirlədi - FOTO

Oğrulardan bezərək avtomobilini zəncirlədi - FOTO

2 mart 2024 , 21:58
Generallara  cinayət işi açıldı

Generallara cinayət işi açıldı

2 mart 2024 , 19:11
Məktəbli qız məktub yazıb özünü öldürdü

Məktəbli qız məktub yazıb özünü öldürdü

2 mart 2024 , 18:22