İranın Şərqi Azərbaycan vilayətində zəlzələ olub

İranın Şərqi Azərbaycan vilayətində zəlzələ baş verib.

APA-nın Tehran Universitetinin Geofizika İnstitutu Seysmoloji Xidmət Mərkəzinin saytına istinadən verdiyi məlumata görə, təbii fəlakətin episentri İranın Şərqi Azərbaycan vilayətinin Şərəbian şəhərinə təsadüf edib. 3,0 bal gücündə olan zəlzələ martın 24-də Bakı vaxtı ilə saat 23:34-də yerin 10 km dərinliyində qeydə alınıb. Təbii fəlakət Şərəbiandan 3 km, Dozdozandan 10 km və Tikmədaşdan 22 km uzaqlıqda baş verib. Dağıntı və tələfat barədə məlumat yoxdur.