Ukraynada Rusiya casusu ələ keçdi - FOTO

Luqanskda Rusiya Federal Təhlükəsizlik Xidmətinə işləyən Ukrayna vətəndaşı saxlanılıb.

Lent.az xəbər verir ki, bu barədə Luqansk vilayəti hərbi administrasiyasının rəhbəri Sergey Qayday açıqlamasında bildirib.

Onun sözlərinə görə, sözügedən agent Rusiyada istintaq təcridxanasında cəza çəkərkən xüsusi xidmət orqanına “işə” götürülüb.

Müharibə başlamazdan bir həftə əvvəl onu Severodonetskə “yerləşdiriblər”.

Fevralın ortalarında o, xüsusi tapşırıqla Severodonetsk şəhərinə göndərilib.

Agent Ukrayna Silahlı Qüvvələrinin, Dövlət Sərhəd Xidmətinin, Ukrayna Milli Qvardiyasının Severodonetsk ərazisindəki cəmləşmə mövqeləri barədə məlumat toplayaraq FTX-yə ötürüb. O, həmçinin ərazinin dəqiq artilleriya atəşi ilə bombardman edilməsi üçün kordinatları Rusiya tərəfinə göndərib.

“Xidmətlərinə görə” FTX tərəfindən ona “pul mükafatı” verildiyi də məlum olub. Onun 15 ilə qədər və ya əmlakı müsadirə olunmaqla ömürlük həbs cəzasına məhkum ediləcəyi bildirilir.

Xatırladaq ki, Rusiyanın Ukraynaya hücumundan bəri dövlətə xəyanət maddəsi ilə 154, əməkdaşlıq fəaliyyətində şübhəli bilinən 81 cinayət işi açıb.