Rusiya tezliklə Azərbaycan və Türkiyədən rüsumsuz yumurta alacaq.
Lent.az-ın APA-ya istinadın verdiyi xəbərə görə, bu barədə Rusiya kənd təsərrüfatı naziri Dmitri Patruşev bildirib.
Dmitri Patruşev deyib ki, hökumət hesab edir ki, bu, yüksək qiymətləri aşağı salmalıdır: “Yaxın bir neçə həftə ərzində Rusiya Türkiyə və Azərbaycandan rüsumsuz yumurta alacaq ki, bu da qiymətlərin aşağı düşməsinə kömək edəcək. Yaxın vaxtlarda, artıq bu həftə Azərbaycandan yumurta gəlməlidir. Düşünürəm ki, iki-üç həftədən sonra Türkiyədən yumurtalar müvafiq idxal rüsumu olmadan gələcək ki, bu da bizə qiymətləri tənzimləməyə imkan verəcək”.
Nazir əlavə edib ki, yeni il bayramı ərəfəsində ölkədə yumurta həmişə bahalaşdığından, yeni ildən sonra qiymətlərin ucuzlaşacağına ümid edir.
Qeyd edək ki, Rusiyada yumurta kəskin bahalaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
