Kralın başı dərddə: Arvadı 12 milyon avro tələb edir... - FOTO

Monako kralı II Abertin həyat yoldaşı şahzadə Şarlin yenidən gündəm olub.

Lent.az Fransa KİV-ə istinadən xəbər verir ki, şahzadənin ərindən tələbi kralı çıxılmaz vəziyyətə salıb.

Albertin razılaşmaqdan başqa yolu qalmayıb. Söhbət ildə 12 milyon ödənişdən gedir.

Ölkə mətbuatında uzun müddətdir ki, cütlüyünün ayrılması müzakirə mövzusudur. Lakin bu xəbər hələ də təsdiqini tapmayıb. Bütün bunlar cəmiyyət arasında kralın nüfuzuna təsir edir.

Belə bir məqamda Şarlin Albertlə birlikdə mərasimlərə qatılması üçün ərindən illik 12 milyon avro ödəməsini tələb edib. Kral isə “xoşbəxt cütlük” adının qorunması üçün bu məbləğlə razılaşıb.

Xatırladaq ki, ötən il Şarlin demək olar ki, ictimai tədbirlərdə görünmürdü. Həyat yoldaş ilə soyuq münasibətə baxmayaraq, yalnız bu yaxınlarda keçirilən “Monako E-Prix” avtorallisində görünüşü əksəriyyətin sevincinə səbəb olmuşdu. Lakin Şarlinin yorğun görünməsi diqqətdən yayınmamışdı.