İran hakimiyyəti “Novruz əmi”nin ümidinə qalıb
07 aprel 2011 09:43 (UTC +04:00)

İran hakimiyyəti “Novruz əmi”nin ümidinə qalıb

Müsəlmanların müqəddəs kitabında ayələrin ərəb dilində nazil olunması vurğulanmasaydı, fars şovinistləri “Quran”ın da farsca nazil olduğunu iddia edərdilər...

Oyuncaq istehsalına nəzarət şurasının katibi Məhəmmədhüseyn Fərcu İranın rəsmi «İSNA» agentliyinə müsahibəsində bildirib ki, yaxın zamanda İranda «Novruz əmi» adlı oyuncaqların kütləvi istehsalına başlanacaq.

Onun sözlərinə görə, həmin oyuncaq yerli mütəxəssislər tərəfindən hazırlanıb. Yaxın günlərdə Rəştdə yerləşən fabrikdə «Novruz əmi»nin istehsalına başlanılacaq.

O, ölkədə 40-50 adda yerli mahiyyətli oyuncaqların istehsalının vacibliyini vurğulayıb.

Bizim də bayram etdiyimiz Novruzdan söhbət gedirsə, onun simvollarından (simgələri) biri Kosa, o biri Keçəldir. Bunların da öz fəlsəfi mənaları var. Tehran hakimiyyəti bu davranışı ilə Novruzun mahiyyətini farssayağı saxtalaşdırır. Bununla da «Novruz əmi» adlı oyuncağı kütləvi istehsal etməklə Kosa və Keçəli sıradan çıxarmağa səy göstərir. Axı, farsların Novruzla bağlı özəl heç bir simvolu yoxdur. Bu bayrama bağlı ənənələrin və təqdim olunan simvolların hamısı əsasən türklərə aiddir. Elə buna görə də İranin panfarsist rejimi əldəqayırma «Novruz əmi»yə möhtac qalıb...

Sədrəddin Soltan
# 407

Oxşar yazılar