Bakı sakinindən külli miqdarda narkotik maddə götürülüb.
DİN mətbuat xidmətindən Lent.az-a verilən məlumata görə, Səbail Rayon Polis İdarəsinin 8-ci Polis Bölməsi əməkdaşları daxil olmuş məlumat əsasında əməliyyat tədbiri keçiriblər. Nəticədə Bayıl qəsəbə sakini A.Əzizov saxlanılıb.
Şəxsi axtarış zamanı ondan 5 qramdan artıq marixuana aşkar edilib. Davam etdirilən tədbirlərlə onun evinə baxış zamanı isə əlavə 3 kiloqram 480 qram marixuana götürülüb.