515
17:06
21 Aprel 2020

Bu ölkənin ordusunda koronavirusa yoluxanların sayı artır

Ukraynanın Silahlı Qüvvələrində koronavirusa daha 4 yoluxma halı qeydə alınıb.

Lent.az xarici KİV-ə istinadla bildirir ki, COVID-19 səbəbindən iki hərbçi də dünyasını dəyişib.

Ukrayna Silahlı Qüvvələrinin tibb komandanlığının mətbuat mərkəzinin məlumatına görə, ölkədə koronavirus aşkarlanan hərbçilərin ümumi sayı artıq 39-a çatıb.

Yoluxanlardan ikisi sağalıb, daha 272 nəfər COVID şübhəsi ilə təcrid olunub.

Ümumilikdə Ukraynada koronavirusa yoluxanların 6125 nəfər olduğu bildirilir. Ölənlərin sayı 161-dir.

Son sutkada 415 nəfərin koronavirusa yoluxduğu aşkarlanıb.