1134
12:19
18 Mart 2020

Beynəlxalq Animasiya Festivalında uşaqlar özləri münsif olacaqlar

Oktyabrın 14-dən 18-dək Bakıda və Şəkidə Üçüncü “Animafilm” Beynəlxalq Animasiya Festivalı keçiriləcək.

Lent.az xəbər verir ki, təşkilatçılar builki festivalda uşaqlardan ibarət münsif heyətinə qoşulmaq hüququnun şərtlərini elan edib.

“Uşaqlar üçün ən yaxşı qısametrajlı animasiya filmi” və “Uşaqlar tərəfindən çəkilmiş ən yaxşı qısametrajlı animasiya filmi” müsabiqəsinin qaliblərini 5-10 nəfər uşaqdan ibarət olan münsiflər heyəti müəyyən edəcək.

Festival Mədəniyyət Nazirliyi, Şəki rayon İcra Hakimiyyəti, Azərbaycan Kinematoqrafçılar İttifaqı, Çexiyanın Azərbaycandakı səfirliyi, Fransanın ölkəmizdəki səfirliyi, Azərbaycandakı Fransız İnstitutu, Nizami Kino Mərkəzi və digər tərəfdaş və sponsorların dəstəyi ilə keçiriləcək.