686
06:42
25 Fevral 2020

İtaliyada 200-dən çox sakin COVID-19 virusunun daşıyıcısıdır

İtaliyada koronavirusa yoluxanların sayı 200 nəfəri keçib.

APA "RİA Novosti"yə istinadən xəbər verir ki, fevralın 24-də ölkədə 6-cı insan bu virus səbəbindən dünyasını dəyişib. Yoluxanlar isə əsasən İtaliyanın şimalındadır. Bunlar Lombardiya, Veneto, Pyemont və Emiliya-Romanya regionlarıdır.

Ölən 6 nəfər haqqında açıqlamada bildirilir ki, onların hamısı immuniteti aşağı olan, qısa müddət əvvəl başqa xəstəliklərdən zəifləmiş, həmçinin 68-88 yaş arası insanlardır.

İtaliya hazırda Avropada ən çox koronavirus daşıyıcısının olduğu ölkədir.