463
19:51
05 Sentyabr 2019

Qanun layhəsindən iki məsələ çıxarıldı - SƏBƏB

"Reproduktiv sağlamlığın qorunması haqqında" qanun layihəsi nəhayət, bu il Milli Məclisin payız sessiyasında müzakirəyə çıxarılacaq.

Bu barədə APA -ya Milli Məclisin Səhiyyə komitəsinin sədr müavini Musa Quliyev məlumat verib.

O bildirib ki, "Reproduktiv sağlamlığın qorunması haqqında" qanun layihəsi tam hazırdır və Milli Məclisin payız sessiyasının plenar iclaslarının birinə təqdim olunacaq: “Qanun layihəsində narazılıq doğuran məsələlər var idi. Bunlar - surroqat ana və cinsi hüceyrələrin donorluğu idi. Hər iki maddə qanun layihəsindən çıxarılıb”.

Komitə sədrinin müavini qeyd edib ki, payız sessiyası ərzində “Əhalinin sağlamlığının qorunması haqqında” qanuna da əlavə və dəyişikliklər ediləcək: “Buna səbəb isə gələn ildən icbari tibbi sığortanın tətbiqi ilə bağlıdır”.

Qeyd edək ki, "Reproduktiv sağlamlığın qorunması haqqında" qanun layihəsi uzun illərdir ki, qəbul edilmir. Layihədə yer alan məqamlar dəfələrlə mübahisəyə səbəb olub.