Qafar Dəmirçinin atası oğluna görə üzr istədi - VİDEO

Ağacların kəsilməsinə görə məhkəməsi keçirilən “Monte Ferro” şirkəti Şəkidə ağac əkməyə başlayıb.

Lent.az xəbər verir ki, bu günlərdə “AQA Şirkətlər Qrupu”nun təsisçisi, tanınmış iş adamı Aydın Dəmirçinin oğlu Qafar Dəmirçinin həbs edilməsi müzakirə olunun əsas mövzulardan biri oldu.

DİN-in Baş Mütəşəkkil Cinayətkarlıqla Mübarizə İdarəsi müəyyən edib ki, Qafar Dəmirçinin rəhbərlik etdiyi “Monte Ferro” şirkəti Şəkidə böyük meşəlik ərazidə ağacları kəsib.

Rəsmi məlumata görə, yaşıllıqların məhv edilməsinə görə, təbiətə təxminən 8 milyon manatdan çox ziyan vurulub.

Monte Ferro Aqroparkının təsisçisi Aydın Dəmirçi diqqətsizliyə və məsuliyyətsizliyə görə üzrxahlığını bildirib və əlavə edib ki, Şəkinin Cunud kəndində şirkətin vəsati ilə 2500 meşə tingi və 100 kq meşə palıdı toxumu əkilib.

Qeyd edək ki, ölkə başçısı İlham Əliyevin tapşırıqlarına uyğun olaraq, Azərbaycanın meşə sahəsi və eləcə də yaşıllıqları diqqət mərkəzindədir. Xüsusi olaraq vurğulayaq ki, bu, hər kəs üçün dərs olmalı və ölkəmizdə ağacların kəsilməsi, təbiətə zərər vurulması ilə bağlı kimliyindən asılı olmayaraq hər kəs məsuliyyətə cəlb olunmaqla cavab verəcək, zərərin aradan qaldırılması və bərpa işlərinin həyata keçirilməsi işlərinə də məcbur ediləcək.

Mətbuatda yazılan məlumatlara görə, Qusar Rayon İcra Hakimiyyətinin keçmiş başçısı Şair Alxasovun da vəzifədən azad edilməsi məsələsi də məhs analoji qanun pozuntuuna görə baş vermişdir.

Xatırladaq ki, həmin rayonda meşəlik ərazidə irigövdəli ağaclar kəsilmiş, ərazidə tikinti işlərinin aparılması planlaşdırılmışdı.

Onu da bildirək ki, Qafar Dəmirçi ilə birgə şirkətin bir neçə əməkdaşı Cinayət Məcəlləsinin 259.3-cü yəni, ağacları kəsmə-qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla maddəsi ilə cinayət məsuliyyətinə cəlb edilib.

Məhkəmənin qərarı ilə Q.Dəmirçi barəsində 3 aylıq həbs qətimkan tədbiri seçilib.