Öküz məşhur iştirakçını vurub öldürdü - ŞOK VİDEO

Kolumbiyada çoxlu tamaşaçının qatıldığı şou zamanı öküz “Kölgə” ləqəbli məşhur iştirakçını öldürüb.

Lent.az xarici mediaya istinadla bildirir ki, noyabrın 12-də “Kölgə” kimi tanınan Con Mario Puello Kabalero qəzəbli öküzlərlə oyunların keçirildiyi ənənəvi festivalda iştirak edib. Bir anda o, onu alqışlayan izdihamın önündə öküzün üstündən tullanmaq istəyib.

Şahid tərəfindən çəkilmiş videoda Kabaleronun öküzün önünə tullandığı, lakin kifayət qədər hündürlükdə olmadığı görünür. Heyvan buynuzları ilə onun başına vuraraq onu yan tərəfə atıb. Hadisə şahidləri bildiriblər ki, onu sürətlə arenadan çıxarmaq istəsələr də, öküz yenidən hücuma keçib.

Nəticədə Kabalero ciddi xəsarət alıb və həkimlər onu xilas edə bilməyiblər.

2024-cü ildə Kolumbiyada bir neçə oxşar hadisə baş verib. Heyvanların hüquqları müdafiəçiləri və ictimai fəallar hakimiyyəti həm insanlar, həm də heyvanlar üçün təhlükə yaratdığı üçün korridalara (öküz yarışları) diqqət yetirməyə çağırırlar. Bundan əlavə, fəalların fikrincə, belə tədbirlərdə uşaqlar da iştirak edir ki, bu da onların psixi sağlamlığına mənfi təsir göstərə bilər.