Uşaqlarda astma riskini azaltmağın SADƏ YOLU

QIMR Berghofer Tibb Tədqiqat İnstitutunun tədqiqatçıları südü verən analar üçün yüksək lifli pəhrizin körpələri astma da daxil olmaqla ciddi tənəffüs xəstəliklərindən qoruya biləcəyini müəyyən ediblər.

Lent.az xarici KİV-ə istinadən xəbər verir ki, tədqiqatçılar pəhriz lifi ana südünün mikrob tərkibini dəyişir və bu da öz növbəsində körpənin bağırsaq mikrobiotasının inkişafına təsir göstərdiyini deyiblər.

Bunu edərkən körpənin mikrobları bağırsaqları əhatə edən hüceyrələrlə qarşılıqlı əlaqədə olur və onların sümük iliyində immun hüceyrələrini dəstəkləyən böyümə faktoru istehsal etməsinə səbəb olur. Bu, körpələri xroniki ağciyər xəstəliklərinə meylləndirə biləcək ağır aşağı tənəffüs yollarının infeksiyalarına qarşı müdafiəsini yaxşılaşdırır. Liflə zəngin olmayan ana pəhrizi immunitetin inkişaf prosesini pozur.

“Ananın pis qidalanması körpələrdə aşağı tənəffüs yollarının ağır infeksiyalarının, o cümlədən pnevmoniya və bronxiolitlərin tezliyini artırır. Bu infeksiyalar bütün dünyada uşaq xəstəliklərinin əsas səbəbidir və astmanın inkişaf riskini artırır”, - alimlər izah ediblər.