Kənd təsərrüfatı naziri İsmət Abasov Salyanda 7 rayonun- Salyan, Sabirabad, Hacıqabul, Saatlı, Biləsuvar, Neftçala və Cəbrayıl -200 -ə yaxın sakinini qəbul edib, onların problemləri ilə maraqlanıb. Bu barədə Lent.az-a Nazirliyin mətbuat xidmətindən məlumat verilib. Nazirlə görüşə gələn Salyan, Biləsuvar, Neftçala fermerləri daha çox pambığın qiymətinin artırılmasını, subsidiyaların birləşdirilərək ildə bir dəfə verilməsini təklif ediblər.
Görüşdə rayonlarda aqro- kimya laboratoriyalarının yaradılması, toxumçuluq təsərrüfatlarına gübrələrin 50 faiz güzəştli qiymətə verilməsi və başqa problemlər önə çəkilib. Suvarılma işləri ilə də bağlı nazirə müraciətlər edilib.