Dekabrın 17-də Kanadanın Ottava şəhərində fəaliyyət göstərən “Qarabağ” adlı Azərbaycan dili məktəbinin təşəbbüsü ilə 31 dekabr - Dünya Azərbaycanlılarının Həmrəylik Günü və Yeni il münasibətilə tədbir keçirilib.
Lent.az-a Azərbaycanın Kanadadakı səfirliyindən verilən məlumata əsasən, tədbir zamanı qeyd olunan həftə sonu məktəbdə oxuyan şagirdlər Azərbaycan Respublikasının Dövlət Himni, o cümlədən, Dünya Azərbaycanlılarının Həmrəylik Gününə, Yeni ilə aid bir sıra şeir və musiqilər ifa edib.
Qeyd edək ki, “Qarabağ” adlı Azərbaycan dili məktəbi 2011-ci ilin sentyabrın 10-dan Ottavada fəaliyyətə başlayıb. Bu məktəb Ottavada yaşayan həmvətənlərimiz Nigar Əliyeva və Vüsalə Əhmədovanın təşəbbüsü ilə təsis olunub.
Məktəbdə Azərbaycan dilini Vüsalə Əhmədova tədris edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
