2024-cü ildə bir qadın 90 dəfə təcili yardım çağırıb. Baş ağrısı, allergiya, qıcolmalar, nəfəs darlığı və digər xəstəliyindən şikayətlənib. 2025-ci il də eyni şəkildə başlayıb - yanvarın 1-dən 28-dək o, 19 dəfə həkimə müraciət etməyi bacarıb, onlardan 9-u ayın son həftəsində olub.
Lent.az xarici mediaya istinadla bildirir ki, bu qeyri-adi hadisə Ukraynanın şimalındakı Çerniqov şəhərində qeydə alınıb.
Bu 9 çağırışdan dördündə xəstəxanaya yerləşdirilmək üçün tibb müəssisələrinə aparılıb. Xəstəxanada xəstə müayinə edilib və evə buraxılıb, çünki həkimlər əlavə müalicə üçün heç bir səbəb görməyiblər.
Polis dəfələrlə qeyd edib ki, təcili yardım xidmətlərinə əsassız çağırışlar inzibati və cinayət məsuliyyətinə cəlb olunmaya səbəb olur.
“Yanvarın 28-də növbəti qəsdən yalançı çağırışdan sonra vətəndaş Ukrayna İnzibati Xətalar Məcəlləsinin 183-cü maddəsi ilə inzibati məsuliyyətə cəlb edilib və 3400 qrivna (80 dollardan çox) məbləğində cərimə edilib”, - məlumatda deyilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
