Hərbi xidmətdən qaçan əsgər 20 İL SONRA TUTULDU

Rusiyada 20 il əvvəl - 2002-ci ildə Moskva vilayətində yerləşən hərbi hissəni özbaşına tərk edən əsgər polis tərəfindən saxlanılıb.

Lent.az yerli KİV-ə istinadən xəbər verir ki, həmin şəxs Sankt-Peterburqun Kalininski rayon sakinidir.

Onun bir gün əvvəl Jurnalist Təhqiqatları Agentliyinə hərbi xidmətindən danışmasından sonra polis hərəkətə keçib.

Daxili İşlər Nazirliyinin Baş İdarəsinin əməkdaşları axşam saat 8 radələrində Murinski parkı ilə üzbəüz Lunaçarski prospektində 42 yaşlı fərarinin saxlanılması ilə bağlı əməliyyat keçirib.O, 2002-ci ildən “özbaşına olaraq bölməni və ya xidmət yerini tərk etmə” maddəsi ilə axtarışda olub. İlkin məlumata görə, peterburqlu 2001-ci ilin dekabrında orduya çağırılıb. Lakin 2002-ci ilin iyulunda hərbi hissənin ərazisini tərk edib.

Saxlanılan şəxs polis bölməsinə aparılıb və müvafiq qərarın qəbul edilməsi üçün hərbi komendantlığa məlumat verilib.