Əfv sərəncamının icrası başa çatdı - YENİLƏNİB

Əfv Sərəncamının icrası başa çatıb.

APA-nın məlumatına görə, Sərəncama əsasən, azadlıqdan məhrum etmə cəzasına məhkum olunmuş 475 nəfər cəzasının çəkilməmiş hissəsindən azad edilib.

***

10:53

Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Ədliyyə Nazirliyi Penitensiar xidmətin 6 və 9 saylı cəzaçəkmə müəssisələrində icra olunub.

APA xəbər verir ki, 6 saylı cəzaçəkmə müəssisində sərəncam 40 nəfərə şamil edilib, onlardan 26 nəfəri azadlığa buraxılıb, 14 nəfərin isə cəzası azaldılıb.

9 saylı müəssisədə sərəncam şamil edilən 8 nəfərdən 5-i azadlığa buraxılıb, 3 nəfərin isə cəzası azaldılıb.

Sərəncamın icrası Ombudsman Aparatının nümayəndələri, dövlət qurumlarının, ədliyyə nazirinin yanında fəaliyyət göstərən İctimai Komitənin, insan hüquqlarının müdafiəsi təşkilatlarının, habelə kütləvi informasiya vasitələri nümayəndələrinin iştirakı ilə Penitensiar Xidmətin tabeliyindəki cəzaçəkmə müəssisələrində həyata keçirilib.

Xatırladaq ki, Prezident İlham Əliyevin martın 18-də imzaladığı "Məhkum edilmiş bir sıra şəxslərin əfv olunması haqqında" sərəncam, ümumilikdə, 625 nəfərə şamil olunub.

10:42

Prezident İlham Əliyevin imzaladığı “Məhkum edilmiş bir sıra şəxslərin əfv olunması haqqında” sərəncamı Ədliyyə Nazirliyi Penitensiar xidmətin 7 və 16 saylı cəzaçəkmə müəssisəsində icra olunub.

APA xəbər verir ki, 7 saylı müəssisədə sərəncam şamil edilən 14 nəfərdən 8-i azadlığa buraxılıb, 6 nəfərin isə cəzası azaldılıb.

16 saylı cəzaçəkmə müəssisədə isə sərəncam 14 məhkuma şamil edilib, onlardan 12-i azadlığa buraxılıb, 2 məhkumun cəzası yarıya endirilib.

Xatırladaq ki, Prezident İlham Əliyevin martın 18-də imzaladığı "Məhkum edilmiş bir sıra şəxslərin əfv olunması haqqında" sərəncam, ümumilikdə, 625 nəfərə şamil olunub.