Xəbər verdiyimiz kimi, bu gündən Azərbaycanda COVID-19 əleyhinə Rusiya istehsalı olan "Sputnik V” peyvəndinin tətbiqinə başlanılır.
Lent.az xatırladır ki, bundan əvvəl ölkədə Çinin “CoronaVac” və İngiltərə-İsveç birgə şirkətinin istehsal etdiyi “AstraZeneca” peyvəndindən istifadə edilirdi.
Maraqlıdır, birinci dozada “Sinovac” peyvəndi vurulan şəxslər ikinci dozada “AstraZeneca” və ya “Sputnik V” peyvəndi seçə bilərlərmi?
Tibbi Ərazi Bölmələrini İdarəetmə Birliyindən (TƏBİB) sorğumuza cavab olaraq bildirilib ki, yalnız bir peyvənddən istifadə edilə bilər:
“Birinci doza hansı peyvənd vurulubsa, ikinci də eyni olmalıdır və hər iki doza eyni miqdarda vurulmalıdır”.
Məlumatda qeyd edilib ki, ilk peyvənd vurulmasından 28 gün sonra ikinci doza tətbiq olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
