Azərbaycanda bir insan neçəyə arıqlayır? – ŞOK QİYMƏTLƏR   - ARAŞDIRMA
18 aprel 2024 14:07 (UTC +04:00)

Azərbaycanda bir insan neçəyə arıqlayır? – ŞOK QİYMƏTLƏR - ARAŞDIRMA

Çəkisindən narazı olan insanların ilk əl atdığı yollar dieta, xüsusi arıqlama proqramları, arıqlama çayları, həbləri, aparatlar, idman və ən sonda əməliyyat olur. Pəhriz saxlamağın, arıqlamağın özü də kifayət qədər bahalıdır.

Bəs, insanlar nə etməlidir? Arıqlamaq üçün ac qalmaq lazımdır? Ümumiyyətlə, Azərbaycanda arıqlamaq istəyən bir şəxs nə qədər pul xərcləməlidir?

Lent.az bu suallara cavab tapmaq üçün arıqlama yolları barədə kiçik araşdırma aparıb.

Arıqlamağın ilkin variantı diyetoloqlara müraciətdir. Qiymətlərə nəzər yetirsək, 10 manatdan tutmuş 500 manata qədər diyet proqramları var. Bu qiymətlərin kəskin fərqlənməsi də, necə deyərlər, diyetoloqun “hörmətindən” asılıdır.

Burada əsas nüans isə yazılan diyet proqramlarının, demək olar ki, eyni tərkibli olmasıdı. Nəzər yetirsək görərik ki, kimisi birinci günün səhər yeməyinə yulaf sıyığı yazırsa, kimisi soyutma yumurta yazır. Sonrakı gün yumurta yazan yulaf, yulaf yazan yumurta deyir. Bunlara nəzərən qiymətlərin bu qədər yüksək olmasını bir növ marketinq hiyləsi adlandıra bilərik. Yəni “yüksək qiymət, yüksək keyfiyyət” məsələsi.

Hə, qiymətlər həm də yazılan diyetin müddətindən asılıdır. 1 həftəlik diyet üçün 60 manat alan da var, 15 manat alan da. Hətta günlük 25 manatlıq olanlarına da rast gəlirik. Amma qeyd edək ki, günlük 25 manat alan diyet proqramlarında gündəlik yazılan bütün qidaları istədiyiniz ünvana pulsuz göndərirlər. Yəni, arıqlamağınız üçün yeməyiniz də hazır göndərilir. Sizə tək yemək qalır.

15-21 gün arası diyet üçün qiyməti 200 manatdan yuxarı olan diyetoloq şəxsi olaraq hər kəslə gün ərzində maraqlanır. Yedikləri yeməklərin şəkillərini istəyir. Bir növ valideyniniz kimi sizinlə maraqlanır.

Diyetoloqlarla arıqlaya bilməyən və yaxud qısa zamanda çəki itirmək istəyənlərin isə seçdiyi üsul arıqlama dərmanları və çaylardır. Əksər blogerlərin reklamlarında cürbəcür belə dərmanlara rast gələ bilərsiniz. Amma burada maraqlı olan nüans dərmanlar arasında kəskin qiymət fərqinin olmamasıdır. Araşdırmamız nəticəsində öyrəndik ki, bir çox arıqlama dərmanlarının qiyməti 80-100 manat arası dəyişir. İstifadə edənlərin sözlərinə görə, dadları da eynidir. Sanki Əli də, Vəli də eyni dərmanı alıb, başqa adlarla satırlar.

Arıqlama dərmanları istifadə edənlər bir məsələdən çox şikayətçidir. Şikayət isə həmin dərmanın qəbulunu dayandıran kimi sürətli kökəlməkdən ibarətdir. Narazı qalanların sözlərinə görə, atdıqları çəkiləri artıqlaması ilə geri alırlar. Ən önəmlisi isə sağlamlığa çox ziyandır.

Həm arıqlamaq, həm də bədənlərini formaya salmaq istəyən şəxslər idmana başlayırlar. Daha dəqiq desək, “fitnes”ə. Amma çoxu bu yolda axıracan gedə bilmir. İdman qiymətlərini araşdıranda isə bir aylıq qadınlar üçün ən ucuz 35, kişilər üçün isə 45 manatdan başlayır. Ən bahalı qadın zalı 150, kişilərdə isə 170 manatdır. Xatırladaq ki, bu qiymətə məşq müəllimi daxil deyil. Əgər müəllimlə məşq etmək istəyirsinizsə, ay ərzində ən aşağı 250 manatınızdan keçməlisiniz.

Arıqlaya bilməyənlərin ən sonuncu ünvanı piy çıxartma, bədən şəkilləndirmə əməliyyatı olur (liposaksiya). Həkim qiymətlərini soruşanda bir arıqlamağın insanlara nə qədər baha başa gəldiyini bir daha anladıq.

Bu sahədə məşhur həkimlərin abdominoplastika (qarın gərmə), popoplastika (omba böyütmə), mammoplastika (süd vəzilərinin plastikası) üçün qiymətlərini öyrəndik. Deməli, qiymətlər həkimlərə və əməliyyat ediləcək bədən nahiyələrinə görə dəyişir. Hər birinin qiyməti 3000-3500 manatdan başlayır. Onu da deyək ki, bunlar hələ ilkin qiymətdir. Müayinə zamanı hər kəsin bədəninə görə qiymət dəyişə - yəni yüksək ola bilər. Həmin əməliyyatlarla bir yerdə bel-kürək üçün də şəkilləndirmə əməliyyatı etdirmək istəsəniz, bunun üçün minimum 1000-1200 manat əlavə ödəməlisiniz. Bel-kürək ayrıca əməliyyat olacaqsa, qiymətlər 2000-2500 manatdan başlayır. Bütün bədəninizdə şəkilləndirmə etmək qərarı vermisinizsə, buna görə yeməyib, içməyib minimum 10 min manatdan keçməlisiniz.

Bəs, 10 min manata alacağımız gözəllik bizə nələri verir?

Artıq çəkili olub, daha sonra, arıqlama qərarı alan insanlar deyirlər ki, incəlik onlara özünə inam və güvən verib. İstədikləri geyimləri rahatlıqla almaq, həmin geyimlərdə gözəl görünmək onları xoşbəxt edib.

Doğrudur, incə və zərif olmaq hər kəsi xoşbəxt edər. Amma buna nail olmaq üçün bıçaq altına yatmaq bir az da cəsarət tələb edir.

Bütün arıqlama yöntəmlərini sizinlə bölüşdük. İndi siz deyin, hansı daha sağlam və düzgün seçimdir?

# 4323
avatar

Fidan İlqar

Oxşar yazılar

Sabah  35 dərəcə isti   olacaq - HAVA PROQNOZU

Sabah 35 dərəcə isti olacaq - HAVA PROQNOZU

29 may 2024 , 12:42
Azərbaycanda kimlər çoxuşaqlı ana  hesab olunur? – CAVAB

Azərbaycanda kimlər çoxuşaqlı ana hesab olunur? – CAVAB

29 may 2024 , 11:58
General-mayor Firudin Nəbiyev

Azərbaycan Ordusunun generalı işdən çıxarıldı

29 may 2024 , 11:15
APA TV-nin 11 yaşı tamam olur

APA TV-nin 11 yaşı tamam olur

29 may 2024 , 00:00
Ən az  pensiya verilən   5 ölkə - SİYAHI

Ən az pensiya verilən 5 ölkə - SİYAHI

28 may 2024 , 17:22
Bakının bu qəsəbəsi 2 gün susuz  qalacaq

Bakının bu qəsəbəsi 2 gün susuz qalacaq

28 may 2024 , 14:43
Azərbaycanda havalar dəyişir  - Xidmət rəisi AÇIQLADI

Azərbaycanda havalar dəyişir - Xidmət rəisi AÇIQLADI

28 may 2024 , 14:14
Sabah 33 dərəcə  isti olacaq - PROQNOZ

Sabah 33 dərəcə isti olacaq - PROQNOZ

28 may 2024 , 12:54