“İlin QHT layihəsi” müsabiqəsi elan edildi
07 iyul 2009 18:39 (UTC +04:00)

“İlin QHT layihəsi” müsabiqəsi elan edildi

Azərbaycan Respublikasının Prezidenti yanında Qeyri-Hökumət Təşkilatlarına
Dövlət Dəstəyi Şurası “İlin QHT layihəsi” müsabiqəsi elan edib.

Şuranın katibliyindən Lent.az-a bildirilib ki, qurum 2009-cu ildə maliyyələşdirdiyi layihələr arasından “İlin QHT layihəsi” seçimi üçün müsabiqə keçirir. Müsabiqənin qaliblərini mükafatlar gözləyir. Qaliblər layihə çərçivəsində yerinə yetirilən fəaliyyət parametrləri üzrə aşağıdakı meyarlarla müəyyənləşdiriləcək:


Layihənin icra mexanizmlərinin mükəmməlliyi

Həyata keçirilən layihə haqqında ictimaiyyətin məlumatlılığı

Layihədən real faydalananların sayı

Layihənin mövcud problemin həllinə təsir imkanları

Müraciət edilən problemin həlli üçün tətbiq olunmuş yeni üsullar

Layihə bitdikdən sonra davamlılıq üçün yaranmış imkanlar

Layihənin QHT nüfuzunun artmasına təsiri

QHT-nin daxilində nizam-intizam və yaxşı idarəçilik

QHT-də sənədləşdirmə işinin səviyyəsi

QHT-nin hesabatlılığı və hesabatları təqdimetmə bacarığı

Təşkilatın Şura ilə əməkdaşlıq münasibətləri və kommunikativ əlaqələri

QHT-nin şəffaflıq amilini yerinə yetirməsi üçün həyata keçirdiyi tədbirlər

Monitorinq üçün yaratdığı imkan

QHT-nin qabaqcıl təcrübəni yaymaq mexanizmləri

“İlin QHT layihəsi” müsabiqəsinin qalibləri həyata keçirilən layihələr üzrə Şura əməkdaşlarının, Müstəqil Elmi-Praktik Hüquq Mərkəzi və Beynəlxalq Avrasiya Mətbuat Fondunun apardığı monitorinqlərin nəticələri əsasında müəyyənləşdiriləcək.
# 500

Oxşar yazılar