Səbail rayonunda “Abad həyət” -

Səbail rayonunun 30 mindən çox sakinin yaşadığı Badamdar qəsəbəsində son geniş miqyaslı abadlıq quruculuq işləri davam etdirilir. Rayon İcra Hakimiyyətinin mətbuat xidmətindən Lent.az-a verilən məlumata görə, qısa müddət ərzində qəsəbədəki 2 orta məktəb və 2 uşaq bağçası, mədəniyyət evi əsaslı təmir olunub, qəsəbə sakinlərin müraciətləri nəzərə alınaraq 2 böyük zalı olan xeyir-şər yeri tikilib, bir neçə yerdə istirahət bağları salınıb, Səbail rayon İcra Hakimiyyəti tərəfindən hazırlanan “Abad həyət” layihəsi çərçivəsində 14 həyət əsaslı təmir olunaraq sakinlərin istifadəsinə verilib.

Dövlət Proqramına uyğun olaraq qəsəbədə su və kanalizasiya xətləri yenidən qurulur, yeni yaşayış sahələrinə elektrik və qaz xətləri çəkilir, qəsəbədaxili yollar təmir olunularaq asfaltlanır. Səbail rayonunda həyata keçirilən geniş miqyaslı abadlıq-quruculuq işləri çərçivəsində Səbail RİH-nin “Abad həyət” layihəsi əsasında Badamdar qəsəbəsində Neftçilər döngəsi 7 ünvanda növbəti “Abad həyət” sakinlərin istifadəsinə verilib. Qəsəbənin mərkəz hissəsindəki əsas etibarı ilə neftçilərin yaşadığı həyətdə binaların fasadı təmir olunaraq hər birinə 2000 kv. metrdən çox aqlay üzlük çəkilib, fasad rənglənib, binanın blokunda yeni plastik pəncərələr və girişində isə yeni dəmir qapılar quraşdırılıb.

Qeyd edək ki, Səbail RİH “Abad həyat” layihəsi davam etdirilir.