Vanqanın 2024-cü il üçün PROQNOZLARI: hansılar gerçəkləşdi və nəyi səhv deyib?

Tanınmış kor görücü Baba Vanqa 2024-cü il üçün iqlim böhranlarından tutmuş iqtisadi təlatümlərə qədər bir sıra həyəcanverici proqnozlar verib.

Lent.az-ın xarici mediaya istinadla xəbərinə görə, onlardan hansının gerçəkləşdiyi, harada səhv etdiyi təhlil edilib.

Məlumata görə, bu yolla Baba Vanqanın 2024-cü il üçün ən dəqiq üç peyğəmbərliyi müəyyən edilib:

Dünya iqtisadi böhranı. Görücünün proqnozuna görə, bu böhran bütün dünyada gərginliyin artmasına səbəb olmalı idi. Milyonlarla insanın hələ də ərzaq banklarına güvəndiyi və inflyasiya ilə mübarizə apardığı qeyd edilir. İş yerlərinin itirilməsi və maliyyə qeyri-müəyyənliyi bütün dünyada vəziyyəti çətinləşdirir. Bütün bunlar Vanqanın proqnozunu həqiqətdən o qədər də uzaq etmir.

İqlim böhranı. Dünyanın bir sıra bölgələrində hava şəraitinin amansız olması ilə bəşəriyyətin rekord həddə çatan ən isti ilini yaşadığı bildirilir. Ekstremal hava hadisələri, o cümlədən İspaniyanın Valensiya şəhərində görünməmiş daşqınlar, Avropa və Amerikada dağıdıcı tufanlar da daxil olmaqla, dünyanı viran qoyub. İyun ayında Beril qasırğası Karib dənizi və Texasda dağıntılara səbəb olan ən erkən 5-ci kateqoriyaya çevrilib. Vyetnam Şərqi Asiya ölkəsini dağıdan Yaqi tayfunu yaşayıb, Meksika isə ölümcül isti dalğaları ilə üzləşib.

Əsas tibbi nailiyyətlər. Bildirilir ki, Vanqa həmçinin xərçəng və Alzheimer xəstəliyinin müalicəsində böyük tibbi nailiyyətləri qabaqcadan görüb və bu il dünya real irəliləyişin şahidi olub.

Baba Vanqanın 2024-cü il üçün gercəkləşməyən proqnozları

Bildirilir ki, onun 2024-cü il üçün mühüm proqnozlarından biri güclü bir ölkənin bioloji silahlardan istifadə etməsi olub.

Xatırladaq ki, kor bolqar görücü Baba Vanqanın son dəhşətli proqnozlarından biri onun dünyanın sonunun 2025-ci ildə başlayacağı ilə bağlı açıqlamasıdır.