Yüksək xolesterinin gözlərinizə zərərli - FAKTLAR

Uzun müddətdir ki, xolesterinin yüksəlmiş səviyyəsi ürək-damar xəstəlikləri və insult üçün risk faktoru kimi tanınır. Lakin son elmi məlumatlar onun təsir dairəsinin daha geniş ola biləcəyini ortaya qoyur. Tədqiqat göstərib ki, yüksək xolesterin qlaukomanın görmənin itirilməsinə səbəb ola biləcək təhlükəli göz xəstəliyinin inkişaf ehtimalını artırır.

Lent.az bununla bağlı məlumatları təqdim edir:

Onun əsasında 136 mindən çox iştirakçı haqqında məlumatlar yer alıb və onların vəziyyəti 15 ildən artıq izlənilib. Analiz zamanı qlaukomanın ən geniş yayılmış forması ilkin açıq bucaqlı qlaukomanın 800-dən çox halı nəzərdən keçirilib. İştirakçılar mütəmadi olaraq alimlərə öz xolesterin səviyyələri və onu aşağı salan preparatlar statinlərdən istifadələri barədə məlumat veriblər. Bu göstəricilər müqayisə edildikdə alimlər belə nəticəyə gəliblər: ümumi xolesterin səviyyəsinin cəmi 20 vahid artması qlaukomaya tutulma riskini təxminən 7 faiz yüksəldir.

Mütəxəssislər bildirirlər ki, qlaukoma hiyləgər xəstəlikdir: o, tədricən inkişaf edir və çox vaxt gec mərhələlərədək hiss olunmur. O mərhələdə isə görməni bərpa etmək artıq mümkün olmur. Buna görə də hiperxolesterinemiya da daxil olmaqla risk faktorlarına xüsusi diqqət ayrılmalıdır. Əlavə tədqiqatlar göstərir ki, statinlərin istifadəsi ikili fayda verə bilər: yalnız ürək və damarları qorumaqla qalmır, həm də qlaukomanın inkişaf ehtimalını azaldır. Bu, göz sinirində qan dövranının yaxşılaşması və iltihabi proseslərin azalması ilə izah olunur.

Həkimlər vurğulayır: xolesterin səviyyəsinin və göz daxili təzyiqin müntəzəm yoxlanması xüsusilə 40 yaşdan yuxarı insanlar və ailəsində qlaukoma halları olmuş şəxslər üçün çox vacibdir. Dərman müalicəsindən başqa, profilaktikada sağlam həyat tərzi də kömək edə bilər müntəzəm fiziki aktivlik, siqaretdən imtina, az doymuş yağ və yüksək lif tərkibli balanslı qidalanma. Beləliklə, xolesterini yalnız ürək sağlamlığı ilə əlaqələndirmək olmaz o, həm də birbaşa görməyə təsir edən faktordur.