“Bu əməkdaşlıq Azərbaycanın maraqlarına qarşı yönəlib”

Lent.az-ın verdiyi məlumata görə, bunu Yeni Azərbaycan Partiyasının sədr müvaini və icraçı katibi Əli Əhəmədov bildirib.

O, həmçinin qeyd edib ki, hər seçkilərdən öncə bəzi qüvvələr ermənilərdən dəstək almağa çalışır: “2005-ci il parlament seçkilərində də AXCP sədri Əli Kərimlinin gənclərlə iş üzrə məsul işçisi olan Ruslan Bəşirli Gürcüstanda ermənilərdən dəstək istəyirdi. Onunla bağlı faktlar da Azərbaycan ictimaiyyətinə məlumdur. Bu dəfə İsa Qəmbərin Erməni Milli Hərəkatı ilə saziş imzalaması göstərir ki, ənənə davam edir”.

Əli Əhmədov bildirib ki, məhz Erməni Milli Hərəkatında təmsil olunan şəxslərin hakimiyyətdə olduğu dönəmdə Azərbaycan torpaqları işğal olunub: “Həmin insanlar imkan verməzlər ki, bu əməkdaşlıq sazişi Ermənistanın işğalçılıq siyasətinə qarşı yönəlsin. Bu əməkdaşlıq Azərbaycanın maraqlarına qarşı yönəlib və belə əməllər birmənalı olaraq pislənməlidir”.

Ramiz