Sensasiyalı AÇIQLAMA: COVID-19 pandemiyası zamanı çox ölümün səbəbi

Koronavirus pandemiyası zamanı yüksək ölüm səviyyəsinin əsas səbəbi ilə bağlı amerikalı alimlər sensasion açıqlama verib.

Lent.az-ın xarici mediaya istinadla xəbərinə görə, araşdırmaçılar iddia edirlər ki, COVID-19-a yoluxmuş insanların ölümünə ilk növbədə cavabdeh olan koronavirus deyil.

Şimal-Qərb Universitetinin mütəxəssisləri belə qənaətə gəliblər.

Alimlər aşkar ediblər ki, yoluxanlar üçün əsas təhlükə koronavirusun özü deyil, onu müşayiət edən xəstəliklərdir. Xəstəliyin ağır forması olan insanlar üçün problem xüsusilə kəskin idi.

Ən həssas vətəndaşların başqa bir kateqoriyası süni nəfəs aparatına qoşulmuş insanlardır.

Qeyd olunur ki, vəziyyət müəyyən mənada QİÇS probleminə bənzəyir.

Bu halda insan immun çatışmazlığı virusunun özündən deyil, immunitetin zəifləməsi nəticəsində yaranan xəstəliklərdən ölür. Koronavirusa gəlincə, alimlərin fikrincə, ölümün əsas səbəbi pnevmoniya olub.

Həmçinin, COVID-19 ilə əlaqəli müxtəlif bakterial və göbələk xəstəlikləri çox vaxt ölümlə nəticələnən ciddi təhlükə yaradır. Bu xüsusilə ağciyərlərin süni ventilyasiya aparatından istifadə edildikdə aktualdır.