Kimlər kəsmik yeməməlidir? - CAVAB

Rusiyalı həkim kəsmiyin təhlükəli xüsusiyyətlərini açıqlayıb. Bu məhsulu kimlər yeməməlidir?

Lent.az-ın xarici mediaya istinadla məlumatına görə, böyrək xəstəliyi, qastrit və ya süd zülalına allergiyası olanlara kəsmik tövsiyə edilmir.

Moskva vilayətinin Səhiyyə Nazirliyinin Vidnovski Klinik Xəstəxanasının qastroenteroloqu Lyudmila Suxorukovanın sözlərinə görə, yüksək protein tərkibi səbəbiylə kəsmik insanın sidik sistemi orqanlarını yükləyir. Bu səbəbdən böyrək xəstəliyindən əziyyət çəkənlərin bu məhsuldan uzaq durmağı lazımdır.

“Əgər obezsinizsə və ya aterosklerozunuz varsa, kəsmiklə daha diqqətli olmalısınız. Bundan əlavə, kəsmik qastrit üçün əks göstərişdir”, - Suxorukova bildirib.

Qastroenteroloqun fikrincə, uşaqlar gündə 100 qram, böyüklər isə 200 qramdan çox olmayan kəsmik yeyə bilərlər. Eyni zamanda, qastroenteroloq qeyd edib ki, kəsmik normasında faydalıdır və əks göstəriş olmadıqda onu hər gün yemək olar.

Kəsmik pəhriz məhsulu sayılır, ona görə də arıqlamaq istəyənlərə məsləhət görülür. Kəsmikdə kazein kimi zülalın müntəzəm istehlakı daha tez toxluq hiss etmənizə kömək edir.

Kəsmik yumurta ilə eyni dərəcədə aclığı təmin edir, bu da istehlak edilən qidanın miqdarını azaltmağa kömək edir. Bundan əlavə, kəsmik əzələlərin inkişafı üçün faydalıdır, sümükləri və dişləri gücləndirir, həmçinin insulin müqavimətinin qarşısını alır.