Alimlər SARS-CoV-2 koronavirus infeksiyasının səbəb olduğu xəstəliyin yeni nəticəsi barədə məlumatları açıqlayıb.
Lent.az-ın xarici mediaya istinadla verdiyi xəbərə görə, araşdırmanın nəticələri xəstələrin orqanlarının sürətlə qocaldığını göstərir.
COVID-19-dan sağalandan bir il sonra 30 faiz böyrək qocalması baş verir.
Bu işə COVID-19-dan sağalan 89 min xəstə cəlb edilib.
Əksəriyyəti orta yaşı 68 olan ağ dərili kişilərdir.
Tibbi statistikaya görə sağlam yetkin insanın böyrək funksiyası ildə təxminən 1 faiz azalır.
Daha sürətli proses xroniki böyrək xəstəliyinə səbəb ola bilər.
Araşdırmanın nəticələri, koronavirusdan sağalan 4700-dən çox xəstənin bir il ərzində böyrək funksiyasında 30 faiz azalma olduğunu göstərib.
Başqa sözlə, koronavirus infeksiyasından sonra böyrəklər 30 il yaşlaşır.
Hazırda həkimlər COVID-19 səbəbiylə daxili orqanların tez qocalmasının səbəbini deyə bilmirlər.
Ehtimal ki, bunun səbəbi böyrəklərin xəstəliyə və ya immunitet sisteminin aktiv işinə xüsusi həssaslığından ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
