Populyar aktyorun  meşədə meyiti   tapıldı
08 aprel 2024 00:11 (UTC +04:00)

Populyar aktyorun meşədə meyiti tapıldı

"1923" serialında oynayan amerikalı aktyor Koul Brinqs Plenti Kanzas (ABŞ) meşəsində ölü tapılıb.

Lent.az-ın xarici mediaya istinadən xəbərinə görə, 27 yaşlı aktyor hadisədən bir qədər əvvəl yoxa çıxıb və onun üçün qeyri-adi olan teleşou üçün agenti ilə görüşə gəlməyib. Nəticədə aktyorun ailəsi kömək üçün yerli hüquq-mühafizə orqanlarına müraciət edib.

Polis də öz növbəsində bildirib ki, o, sonuncu dəfə bir həftə əvvəl bir ştatdan digərinə gedərkən görülüb. Məlum olub ki, Brinqs Plenti ailədaxili zorakılığın qurbanı olan naməlum qadının polisə müraciətindən dərhal sonra şəhəri tərk edib.

Polisin topladığı məlumatlara görə, bunun üçün kifayət qədər əsaslar olduğundan hətta aktyoru həbs etməyə də hazırlaşırmışlar.

"Video müşahidə görüntülərindən belə görünür ki, qadınla baş verən insidentdən sonra Brinqs Plenti dərhal şəhəri tərk edib. Bu hadisə məişət zorakılığı iddiaları ilə bağlıdır", - polis nümayəndələri hadisəni şərh ediblər.

Qeyd edək ki, "1923" Teylor Şeridanın Qərb janrında çəkdiyi Amerika televiziya serialı, "Yellouston" teleserialının prequeli və "1883" teleserialının davamıdır. Premyera 2022-ci il dekabrın 18-də də Paramount+ yayım platformasında baş tutub və 2023-cü ilin fevralında televiziya seriyası ikinci mövsüm üçün yenilənib.

1 2 3 4 5 İDMAN XƏBƏRLƏRİ
# 3717
avatar

Oxşar yazılar