Həftəsonu izləyə biləcəyiniz 5 detektiv film

Bu müasir detektiv seriallar tamaşaçıları laqeyd qoymur. Psixoloji dramları, araşdırmaları və yumoru birləşdirən hekayələri sizin üçün topladıq.

Lent.az kənd sirrlərinin açılmasından tutmuş qlobal faciələrə qədər sizə gərgin detektiv süjetə sahib seriallardan ibarət seçmələri təqdim edir.

"Balaca kənd, böyük hekayə"

İrlandiya sərhədində yerləşən bir kənddə baş verən hadisələri əks etdirən duyğusal və dramatik komediya. Burada göydən göyərçinlər düşür və çox qəribə hadisələr baş verir. Görəsən, qəhrəmanlar kəndin sirlərini açıb həqiqəti öyrənə biləcəklərmi?

"Şerlok və qızı"

Anası yeni öldürülmüş Ameliya, məşhur detektiv Şerlokla bir əlaqəsi olduğuna inanır. Onunla birlikdə təhlükəli bir missiyaya yollanır və sevdiyi insanı ondan alan cinayətkarı tapmağa çalışır. Bu arada, Şerlok yenə əzəli düşməni Moriartiyə qarşı çıxır.

"Platforma 7"

Britaniya istehsalı olan psixoloji triller Luiza adlı qızın insan olmayan bir platformada yaşadığı dəhşətli faciədən bəhs edir. Qız həqiqətdən nə qədər qaçmağa çalışsa da, qorxulu xatirələr onu təqib etməyə davam edir. O, keçmişi ilə bağlı ola biləcək sirləri açmaq üçün qorxularını aşmalı olacaq.

"Lyudviq"

Onun əkiz qardaşı yoxa çıxanda, tənha həyat yaşayan Con onun yerini qətllər üzrə istintaq şöbəsində tutur. Yeni baş inspektor tezliklə işlərə alışır, çünki tapmaca həll etməyi çox sevir. Amma görəsən, o, qardaşının hara yoxa çıxdığını və hansı sirləri gizlətdiyini öyrənə biləcəkmi?

"Lockerbie: Həqiqət axtarışında"

Gerçək hadisələrdən ilhamlanmış dramatik və gərgin serial. 1988-ci ildə baş vermiş terror aktı zamanı təyyarənin partlaması nəticəsində 270 nəfər həyatını itirir. Qurbanlardan birinin atası Cim, digər ailələr adından ədalət uğrunda mübarizəyə başlayır. O, sistemə qarşı çıxır və ədaləti bərpa etmək üçün hər şeydən keçməyə hazırdır.