Ermənilər Zeynəb Xanlarovanın mahnısı oğurladılar
06 noyabr 2009 20:00 (UTC +04:00)

Ermənilər Zeynəb Xanlarovanın mahnısı oğurladılar

Ermənilər daha bir Azərbaycan mahnısını oğurlayıb.


Ermənistanın “Şant” televiziyasında hansısa mədəniyyət evinin 10 illiyinə həsr olunmuş proqramda gənc ifaçı Azərbaycan mahnısını erməni dilində ifa edib. Bu ifaçını Azərbaycanın xalq musiqi alətlərindən olan tar, kamança, qaval və sazdan ibarət ansambl müşayiət edib. Bu barədə məlumatı kanalı izləyən tamaşaçılar ANS PRESS-ə verib.


Daha sonra isə həmin konsertdən olan kadrlar “Şant TV”nin internet saytında yerləşdirilib.


Onu da qeyd edək ki, erməni ifaçısı mahnının sözlərini dəyişərək, yalnız 1-ci bəndin 1-ci sözünü (sevgilim) saxlayıb.

Mahnının orijinal variantını sizə təqdim edirik:

“Sevgilim, mən sənə canan deməyim,
Bəs nə deyim, nə deyim?
Yox mənim başqa gözəllərdə gözüm
Sənin hicranına mən necə dözüm
Bəs nə deyim, nə deyim, nə deyim?...”

Xatırladaq ki, sözləri Süleyman Rüstəmə məxsus olan mahnının ilk ifaçısı SSRİ xalq artisti Zeynəb Xanlarova olub.
# 446

Oxşar yazılar