Rəsul Rzanın “Çinar ömrü” – FOTO

Lent.az-ın məlumatına görə, Azərbaycan Televiziyasında istehsal olunan filmin ssenari müəllifi Anar, quruluşçu rejissoru Ramiz Həsənoğlu, quruluşçu operatoru Eldar Məmmədovdur.

Təqdimat mərasimində AYB sədri Anar, AzTV-nin rəhbəri Arif Alışanov, millət vəkilləri Fəttah Heydərov, Elmira Axundova, Gülər Əhmədova, xalq şairi Ramiz Rövşən və digər tanınmış mədəniyyət, incəsənət xadimləri iştirak edib.

İlk olaraq teatrşünas İlham Rəhimli film barədə məlumat verib. O, filmin adına da açıqlama gətirib: “Rəsul Rzanın ən çox sevdiyi ağaclardan biri xan çinar olub. Bundan başqa Göyçayda çinar ağacları ilə zəngin olan bir rayondur. Bir də çinar ən uzun ömürlü ağaclardan sayılır. Rəsul Rzanın yaradıcılığı da çinar qədər uzun ömürlüdür”.

Filmin ssenari müəllifi, xalq yazıçısı Anar isə filmin yaradıcı heyətinə öz təşəkkürünü bildirib.

Qeyd edək ki, “Çinar ömrü” Rəsul Rzanın həyat və yaradıcılığından geniş şəkildə bəhs edir. Filmdə sənədli, xroniki materiallardan, şairin canlı görüntülərindən, müsahibələrindən, öz ifasında səsləndirdiyi şeirlərdən, istifadə olunub. Bununla yanaşı filmdə aktyorlardan Elşən Rüstəmov, Məmməd Səfa, Vidadi Əliyev, Rövşən Kərimduxt da çəkilib.

Xəyalə