Rəssamlar İttifaqında yeni fərdi sərgi açıldı
25 yanvar 2010 18:00 (UTC +04:00)

Rəssamlar İttifaqında yeni fərdi sərgi açıldı

Yanvarın 22-də Vəcihə Səmədova adına sərgi salonunda Azərbaycan Rəssamlar İttifaqının təşkilatçılığı ilə rəssam Natiq Fərəcullazadənin 50 illik yubileyinə həsr olunmuş fərdi sərgisinin açılış mərasimi oldu. Lent. az-ın məlumatına görə, tədbirdə Rəssamlar İttifaqının katibi Ağaəli İbrahimov rəssamın həyatı barədə məlumat verdi və yaradıcılıq məziyyətlərindən söhbət açdı. Bildirdi ki, Natiq Fərəcullazadə Əzim Əzimzadə adına rəssamlıq məktəbini və Mədəniyyət və İncəsənət Universitetini bitirib. Rəssamlar İtifaqının gənclər bölməsinin daimi üzvüdür.


Yubilyar özü isə tədbir iştirakçılarına və təşkilatçılarına öz minnətdarlığını bildirdi.


Qeyd edək ki, sərgidə rəssamın müxtəlif illərdə çəkdiyi rəngkarlıq və qrafika janrında əsərləri nümayiş olundu. Sərgi yanvarın 28-nə qədər davam edəcək.

Xəyalə Muradlı
# 404

Oxşar yazılar