“Eurovision-2011”in promo-turuna 7,8 milyon vəsait ayrılıb

Lent.az-ın itv.az-a istinadən məlumatına görə, mayın əvvəlindən Düsseldorfda promo-aksiyalar başlayacaq. Şəhər administrasiyası bu tədbirlər üçün 7.8 milyon avro vəsait ayırıb. Tədbirlər proqramı mayın 7-də “Bilk ist auf der Rolle” açıq hava festivalı ilə başlayacaq. Final günü, mayın 14-də isə tamaşaçılara şouların ən möhtəşəmi təqdim olunacaq.

Qeyd edək ki, "Eurovision -2011" Mahnı Müsabiqəsi Dusseldorf şəhərinin 54 400 nəfərlik idman-konsert arenasında, Fortunada olacaq.

Bu il ölkəmizi Eldar və Nigar dueti "Running Scared" mahnısı ilə təmsil edəcək.

Lalə Yusifqızı