Aktyor terrorçuların hədəfinə çevrildi

“Əl Əksa Şəhidləri” Tuqayı ilə zarafat baha başa gələ bilər

Homoseksual qəzetçi rolunda çəkildiyi “Bruno” filimiylə olay yaradan Saşa Baron Koenin bu filmdəki bir hərəkəti “Əl Əksa Şəhidləri” Tuqayını hövsələdən çıxarıb.
Lent.az-ın türk mətbuatına istinadən yaydığı məlumata görə, aktyor bu filmdə “Əl Əksa Şəhidləri” Tuqayının liderinə “məni qaçırın, dünyada məşhurlaşaq” deyir.
Bu film kinoteatrlarda nümayiş olunduqdan sonra “Əl Əksa Şəhidləri” Tuqayı aktyorun başının kəsilməsi üçün təşkilat üzvlərinin hərəkətə keçməsi ilə bağlı çağırış edib. Çağırışda bildirilir ki, “Əl Əksa Şəhidləri” Tuqayını təhqir edən şəxs cəzalandırılacaq.
Saşa Baron Koen çağırışdan xəbər tutduqdan sonra mühafizəçilərinin sayını artırıb və həyatı ilə bağlı narahatçılıq keçirdiyini söyləyib.
Filmdə “Əl Əksa Şəhidləri” Tuqaynın liderinin adı Abu Aitadır. Abu Aita adlı ərəb də adının terrorçu kimi qələmə verməsindən əsəbiləşib və o da məhkəməyə üz tutmağa hazırlaşdığını açıqlayıb.
Qeyd edək ki, bu filmdə Ortodoks yəhudilərinin aksiyasına şortiklə qatılan aktyorun hərəkəti yəhudilərin də böyük narazılığına səbəb olub.