Aygün Kazımova və Yusif Güneyi birləşdirən üç hərf

Dünən Bakıdakı “Metkartinq” əyləncə mərkəzində Türkiyənin məşhur pop ulduzu Yusif Güney və xalq artisti Aygün Kazımovanın konserti baş tutub. Lent.az-ın məlumatına görə, musiqili gecəni teleaparıcı Samir Bayramlı və Türkiyədə yaşayan və işləyən azərbaycanlı model Günay Musayeva idarə edib.

Türkiyəli pop ulduzun çıxışı tamaşaçılarda əsl əhval-ruhiyyə yaradıb. Müğənni repertuarında yer alan mahnılarla yanaşı Rafet el Romanın mahnılarını da ifa edib. Adrenalinli dəqiqələr bir saat sonra Aygün Kazımovanın çıxışı ilə əvəzlənib.
Kazımovanın xarici görünüşü əməliyyat olunması ilə bağlı xəbərləri yalanlasa da, müğənninin üzündəki dəyişiklik gözdən qaçmayıb.

Xalq artisti jurnalistləri bir məqama diqqət yetirməyə çağırıb: “Ay-gün və Gün-ey...” “A və “e” hərfi olmasa adımız və soyadımız demək olar ki, eyni olacaqdı. Deməli, oxşar nöqtəmiz var!”

Qeyd edək ki, konsert “Creme-21”, “Ideal” və “Soft wave” şampunlarının baş sponsorluğu ilə keçirilib.

Lalə Yusifqızı