1 milyon dollarlıq ad günü

Oliqarx sevgilisi Naomi Kempla sürpriz edib

Tanınmış top model Naomi Kempl 40 yaşını fransız Rivierasında 1 milyon dollarlıq möhtəşəm mərasimlə qeyd edib.

Lent.az-ın “haberturk.com” saytına istinadən verdiyi məlumata görə, top modelin rus milyarder sevgilisi Vladimir Doronin tərəfindən məşhur “Hotel Du Cap” da təşkil olunan ad günü mərasimində modelyerlər Donatella Versace, Giorgio Armani, top model Kate Moss, müğənni Cennifer Lopez və onun həyat yoldaşı Mark Antoni, digər rusiyalı milyarder Roman Abramoviç də iştirak ediblər.

İngilis geyim markası Top Shopun mağazalar şəbəkəsinin sahibi Filip Qreen və qızı Çloenin, şahzadə Beatricenin də olduğu mərasimdə Grace Cons və Black Eyed Peas səhnədə yer alıblar. Təbrikdən öncə Vladimir Doronin sevgilisi Naomi Kempla ağ gül yollayıb.

Qeyd edək ki, Kann Film Festivalı ilə bağlı bir müddətdir ki, Vladimir Doronin ilə Rivierasda olan top model həftəsi 500 min dollara kirayələnən “Silver Angel” adlı bir yaxtada qalır. Ad günü tortu üçün isə 100 min dollar xərclənib.

Xatırladaq ki, iki sevgili yaz aylarında Tropezdə biry axtada verilən mərasimdə tanış olublar və bir-birlərinə aşiq olublar. Evli olmasına baxmayaraq, uzun müddətdir ki, Naomi Kempl ilə birlikdə olan Vladimir Doronin bu günlərdə evlənəcəklərini söyləyib.