Model Tunay tövbəsini pozdu!

“İlhamə Quliyevanı sərbəst parodiya edə bilirəm...”

Model Tunay bir daha televiziya layihəsində iştirak etməyəcəyinə tövbə etsə də, andını pozmalı olub. Model telekanallardan birində “Dəniz döyüşü” adlı proqramın aparıcılığına başlayıb. Bu barədə model özü Lent.az-a açıqlama verib: “Bir daha televiziya layihəsində yer almayacağıma and içmişdim. Hətta tövbə belə etmişdim. Amma neynim, layihə çox xoşuma gəldi, təklifi qəbul etdim”.

Model və teleaparıcı hazırkı durumundan razıdır: “İndi çox rahatam. İşim artıq məni məhv eləmir. Çox enerji sərf eləmirəm. Burda mənə güvənirlər. Bütöv bir verilişin məsuliyyəti mənim üzərimdədir. Mən də bu məsuliyyəti hiss edib, hər işi özüm etməyə çalışıram. Bu etimad mənim üçün kifayətdir”.

Model aparıcısı olduğu proqramda daha sərbəst olduğunu etiraf edib: “İndi sərbəstəm, özüməm, məhdudiyyət yoxdur. Düzdür, əvvəlki proqramda da özüm idim, lakin indi daha da sərbəstəm. Misal üçün, burada İlhamə Quliyevanı sərbəst parodiya edə bilirəm”.

Tunay bundan sonra peşəkar jurnalist olmaq iddiasındadır: “Hüquq fakültəsində təhsil almağıma baxmayaraq, indi də təhsilli jurnalist olmağı fikirləşirəm.

Leyla