Xumar keçmişinə qayıdır
18 yanvar 2010 19:30 (UTC +04:00)

Xumar keçmişinə qayıdır

Müğənni Xumar Qədimova repertuarında onu məşhur edən “Yalan deyil” mahnısını yenidən oxuyub. Bu barədə Lent.az-a məlumat verən müğənni bildirib ki, bu dəfə onu fərqli üslubda lentə aldırıb.

Xumar Qədimova sözügedən çəkilən mahnını rok üslubunda ifa edib, fərqli ampluada görünmək istəyib. Müğənni bu mahnını yenidən oranjeman etdirib. Yeni üslubda ifa olunan mahnıda ozan üslubu da eşitmək mümkün olacaq.

Sənətçi ikinci dəfə müraciət etdiyi mahnını bu dəfə daha kəskin şəkildə ifa edib: “Klipə gəlincə, qarşıda ilk növbədə “Kərtənkələ” var. “Kərtənkələ”yə klip çəkildikdən sonra ola bilsin ki, bu mahnıya da klip çəkilsin”.

Sənətçi Azərbaycanda ilk solo konsertini də gerçəkləşdirmək niyyətindədir. Bir çox konsert təşkilatçılarından təkliflər aldığını deyən sənətçi hələ ki seçimdə çətinlik çəkdiyini açıqlayıb: “Azərbaycan səhnəsində verəcəyi ilk solo konsertinin mükəmməl olmasını arzulayıram. Təkliflərdən hansı məni tam qane etsə, solo konsert reallaşa bilər”.

Lalə Yusifqızı
# 535

Oxşar yazılar