Saxta əmtəə nişanlı duzun satışına qadağa qoyulub

Sumqayıtda monitorinq keçirilib
Standartlaşdırma, Metrologiya və Patent üzrə Dövlət Komitəsinin 3 saylı Ərazi Dövlət Nəzarəti İdarəsi tərəfindən duz istehsalı müəssisələrində və istehlak bazarında idxal olunmuş duzların monitorinqi aparılıb.
Lent.az-a Dövlət Komitəsindən daxil olmuş məlumatda bildirilir ki, Abşeron rayonu Saray qəsəbəsində yerləşən fiziki şəxs T.Quliyevin duz istehsalı müəssisəsində yodlaşdırılmış xörək duzunun istehsalı normativ sənədlərin tələblərinə cavab vermədiyi və məhsul uyğunluq sertifikatı olmadan satışa çıxarıldığı müəyyən olunub.
Dövlət Komitəsi təsərrüfat subyektində məhsul istehsalını qadağan edib.
Bundan başqa, Sumqayıt şəhərinin bir neçə ticarət obyektində xarici istehsala aid duzların əmtəə nişanları saxtalaşdırılaraq satışa çıxarılması faktına rast gəlinib. Siyahıda təqdim olunan duzların uyğunluq sertfikatı olmadığı üçün onların satışına qadağa qoyulub və müəssisə rəhbərlərinə tələbnamələr təqdim olunub.
Həmin ticararət obyektləri və duzlar aşağıdakılardır:
1. Z.Nuriyevə məxsus ticarət obyektində (Sumqayıt ş. 45-ci məhəllə) Ukraynanın “Artyomsol” əmttə nişanı ilə nişanlanmış “Povarennaya pişevaya yodirovannaya sol” və “Ekstra – sol yodirovannaya” duzları
2. M.Ağababayevə məxsus ticarət obyektində (Sumqayıt ş. 45-ci məhəllə) “Salt – Extra”, “Xan” duzları
3. A.Məmiyevə məxsus ticarət obyektində (Sumqayıt ş. 2-ci mk/r) Ukraynanın “Artyomsol” əmttə nişanı ilə nişanlanmış “Povarennaya pişevaya yodirovannaya sol” və “Ekstra – sol yodirovannaya” duzları
4. S.Hüseynova məxsus ticarət obyektində (Sumqayıt ş. 34-ci məhəllə) Ukraynanın “Artyomsol” əmttə nişanı ilə nişanlanmış “Povarennaya pişevaya yodirovannaya sol” və “Ekstra – sol yodirovannaya” duzları
5. A.Quliyevə məxsus ticarət obyektində (Sumqayıt ş. 32-ci məhəllə) “Ekstra – sol yodirovannaya” duzları
6. F.Əsgərova məxsus ticarət obyektində (Sumqayıt ş. 32-ci məhəllə) “Marabelle Sea Salt” (naturalnaya pişevaya morskaya sol, srednyaya, 750 qr.) qablaşdırılmış yodlaşdırılmamış duzlar
7. F.Rəhimova məxsus ticarət obyektində (Sumqayıt ş. 40-ci məhəllə) Ukraynanın “Artyomsol” əmttə nişanı ilə nişanlanmış “Povarennaya pişevaya yodirovannaya sol” və “Ekstra – sol yodirovannaya” duzları.