Topaz Premyer Liqası: “Simurq” Bakıdan əl çəkmir

Futbol üzrə Topaz Premyer Liqasında XI turun proqramı açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı tura oktyabrın 25-də Qəbələdə start veriləcək.

Həmin gün eyniadlı komanda autsayder “Sumqayıt”ı qəbul edəcək. Ardından autsayderlər qrupundakı daha bir komanda – “Rəvan” “Bakı”nı sınağa çəkəcək.

Ertəsi gün daha bir paytaxt derbisində AZAL-la “İnter” üz-üzə gələcək. Oktyabrın 27-də isə Zaqatalanı təmsil edən “Simurq” ev oyununu yenə Bakıda keçirəcək. Bu dəfə isə rəqib “Neftçi” olacaq. Tura isə “Xəzər Lənkəran” – “Qarabağ” matçı ilə yekun vurulacaq.

25 oktyabr (cümə)

15:00. “Qəbələ” – “Sumqayıt”
Qəbələ şəhər stadionu

18:00. “Rəvan” (Bakı) – “Bakı”
Bakı, “Bayıl Arena”

26 oktyabr (şənbə)

17:00. AZAL (Bakı) – “İnter” (Bakı)
Bakı, “AZAL Arena”

27 oktyabr (bazar)

18:00. “Simurq” (Zaqatala) – “Neftçi” (Bakı)
Bakı, “Şəfa” stadionu

19:00. “Xəzər Lənkəran” – “Qarabağ” (Ağdam)
Lənkəran şəhər stadionu