Mayın 7-də Mingəçevirdəki “Kür” Təlim-Tədris İdman Mərkəzində su polosu üzrə beynəlxalq turnirə start veriləcək. Azərbaycan Üzgüçülük Federasiyasının (AÜF) mətbuat xidmətindən Lent.az-a verilən məlumata görə, üç gün davam edəcək turnir Heydər Əliyevin 90 illik yubileyinə həsr olunur.
Gənclər və İdman Nazirliyi ilə birgə təşkil olunacaq turnirə Azərbaycan və Gürcüstan milliləri ilə yanaşı, Rusiya və Belarusdan komandalar qatılacaqlar.
Qeyd edək ki, bu, son illər ərzində su polosu üzrə ölkəmizdə təşkil olunan ən böyük yarışdır və ənənəvi xarakter daşıyacaq. İştirakçıların ölkəmizdə qəbulu və yerləşdirilməsi ilə bağlı bütün xərcləri AÜF ödəyəcək, qaliblər və mükafatçılar isə federasiya və nazirliyin medalları, fəxri diplomla təltif olunacaqlar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
