Azərbaycan millisinin FİFA reytinqindəki qazancı bəlli olub.
Lent.az-ın Apasport.az saytına istinadla məlumatına görə, yığmamız əmsalına 1,7 xal əlavə edib.
Bu qazanc Millətlər Liqasının II turunun Belarusla səfər oyununda əldə olunub. Serbiyadakı 0:0 hesablı heç-heçə Canni de Byazinin yetirmələrinin aktivini artırması ilə nəticələnib. Buna səbəb rəqibin daha yüksək reytinqli komanda olmasıdır.
Bununla da yığmanın onlayn FİFA sıralamasındakı reytinq xalı 1121,34-ə yüksəlib. Komandamız hazırda bu siyahıda dünyanın 130-cusudur.
Millimiz üç ay əvvəl açıqlanan rəsmi FİFA reytinqində 1127 xalla 129-cu idi. Qazaxıstana 0:2 hesablı məğlubiyyətdən sonra 7,4 xal itirən komandamız Tanzaniyadan geri düşüb. Belarusla oyundakı qazanc mövqeyi qaytarmaq baxımından faydasız olub.
Qeyd edək ki, yığmamız iyunun 10-da Slovakiya, 13-də Belarusu qəbul edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
