Fransa Liqa1-də 2021/22 mövsümünün ən yaxşı futbolçusu müəyyənləşib.
Lent.az-ın Apasport.az saytın-a istinadən məlumatına görə, PSJ-nin hücumçusu Kilian Mbappe bu ada layiq görülüb.
Fransa millisinin üzvü ardıcıl üçüncü mövsüm bu mükafata yiyələnib. Sabah təşkil olunacaq tədbirdə 23 yaşlı oyunçu mükafatını alacaq. Mərasim zamanı onun karyerasını harada davam etdirəcəyini açıqlaması gözlənilir.
Qeyd edək ki, Kilian Mbappe bu mövsüm Liqa1-də keçirdiyi 33 oyunda 24 qol vurub.