Saatlı polisinin keçirdiyi əməliyyat tədbirləri nəticəsində rayon sakinindən külli miqdarda qurudulmuş marixuana aşkar edilərək götürülüb.
APA TV-nin xəbərinə görə, Saatlı Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində rayon sakini Elşən Dadaşov şübhəli şəxs qismində saxlanılıb. Onun üzərinə baxış keçirilən zaman 470 qram narkotik tərkibli qurudulmuş marixuna aşkar edilərək götürülüb. Əvvəllər də narkotikə görə məhkum edilmiş Elşən Dadaşov polis şöbəsində törətdiyi cinayəti etiraf edib.
Hazırda Elşən Dadaşovun narkotik vasitənin haradan və necə əldə etməsi istiqamətində tədbirlər həyata keçirilir. Faktla bağlı Saatlı rayon polis şöbəsində cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
