Nəqliyyat Nazirliyinin idarələri məhkəmə qarşısında

Nəqliyyat Nazirliyinin “Azəryolservis” Səhmdar Cəmiyyəti məhkəməyə verilib. Lent.az-ın məlumatına görə, bu barədə Bakı 1 saylı İnzibati-İqtisad Məhkəməsinin rəsmi saytında xəbər yerləşdirilib. Məlumatda qeyd olunur ki, Abugünəş Abdullayeva adlı vətəndaş Səhmdar Cəmiyyəti cavabdehin üzərinə öhdəlik qoyulması iddiası ilə məhkəməyə verib.

Nəqliyyat Nazirliyinin “Azəryolservis” Səhmdar Cəmiyyətinin 1 saylı Yol Yaşıllaşdırma MMC də məhkəməyə verilən idarələr sırasındadır. Adıçəkilən qurumdan məhkəməyə müraciət edən təşkilat “Xalq Sığorta” ASC-dir. ASC MMC-dən borcun silinməsini tələb edir.