Səhiyyə naziri Oqtay Şirəliyev iyunun 21-də Şirvanda vətəndaşları qəbul edib. Bu barədə Lent. az-a Səhiyyə Nazirliyinin mətbuat xidmətindən məlumat verilib. Qəbulda Şirvan, Sabirabad, Hacıqabul, Saatlı, Salyan, Neftçala rayonlarının sakinləri iştirak edib.
Qəbul zamanı nazir tərəfindən vətəndaşların müraciətləri dinlənilib, səhiyyə sahəsinə dair suallar cavablandırılıb. Bəzi müraciətlərlə əlaqədar səlahiyyətli strukturlara göstərişlər verilib və ya yerindəcə həll olunub.