Dünən qəza keçirən iş adamı Hacı Ramazan Zeynalovun (Hacı Mazan) vəziyyəti yaxşılaşıb.
Bu barədə Lent.az-a Tədris Cərrahiyə Klinikasından məlumat verilib. Bildirilib ki, R.Zeynalovun vəziyyəti stabildir:
“Hazırda reanimasiyadadır. Gəldiyində vəziyyəti ağır olsa da, lazımi tədbirlərin görülməsindən sonra stabillik əldə edilib”.
Xatırladaq ki, dünən səhər saatlarında Ələt-Astara avtomobil yolunun Biləsuvar rayonundan keçən hissəsində Hacı Mazan kimi tanınan, əslən Masallı rayonundan olan iş adamı, 1959-cu ildə anadan olmuş Masallı rayonunun Yeddioymaq kənd sakini Ramazan Hüseyn oğlu Zeynalovun xidməti “Range Rover”inin qəzaya uğraması nəticəsində o özü və sürücüsü - 32 yaşlı Rəşad Ramiz oğlu Kərimov kəllə-beyin xəsarətləri ilə Biləsuvar Mərkəzi Rayon Xəstəxanasına yerləşdirilmişdi.
Daha sonra isə Hacı Mazan yaxınlarının istəyilə Bakı şəhərində Tədris Cərrahiyə Klinikasına gətirilmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
