Azərbaycanın rayonlarında yanğınlar olub

Ağdaş şəhərində vətəndaşa məxsus ümumi sahəsi 60 kv.m olan taxta konstruksiyalardan ibarət birmərtəbəli 2 otaq və aynabənddən ibarət olan evin 1 otağının və aynabəndinin yanar konstruksiyaları 36 kv.m sahədə yanıb. Lent.az-ın məlumatına görə, bu barədə Fövqəladə Hallar Nazirliyi xəbər yayıb. Evin qalan hissəsi yanğından mühafizə olunub. Yanğın saat 07:50-də yanğınsöndürənlər tərəfindən söndürülüb.

Daha bir yanğın hadisəsi Cəlilabadda olub. Belə ki, vətəndaşa məxsus ümumi sahəsi 110 kv.m olan ikimərtəbəli 4 otaqlı evin 1 otağının tavanı 6 kv.m sahədə yanıb. Evin qalan hissəsi yanğından mühafizə olunub.

Gəncə şəhəri, Kəpəz rayonunda vətəndaşa məxsus ümumi sahəsi 216 kv.m olan (hər mərtəbəsi 108 kv.m) ikimərtəbəli 8 otaqlı evin 2-ci mərtəbəsində 1 otağının və dam örtüyünün yanar konstruksiyaları 108 kv.m sahədə yanıb və evə bitişik ümumi sahəsi 60 kv.m olan talvarın yanar konstruksiyaları (üst örtüyü şifer, atma taxtalardan ibarət) yüksək temperaturdan qarsalanıb. Evin qalan hissəsi yanğından mühafizə olunub. Yanğın saat 02:10-da yanğınsöndürənlər tərəfindən söndürülüb.

Şəki rayonu, Baş Zəyzid kəndində vətəndaşa məxsus ümumi sahəsi 72 kv.m olan tövlənin dam ortüyünün yanar konstruksiyaları, damına yığılmış 3,5 ton ot bağlaması yanmış və 1 baş iri buynuzlu heyvan tüstüdən boğularaq tələf olub. Tövlənin qalan hissəsi və 4 baş iri buynuzlu heyvan yanğından mühafizə olunub. Yanğın saat 04:25-də yanğınsöndürənlər tərəfindən söndürülüb.